منتديات شباب كافيه

الكافيه بتاعنا فاتح 24 ساعه ادخل خدلك حجرين العب دورين ضومنه شعارنا زهق الزبون وطلعه من الهدوم قصدى << ريح الزبون ولو طلب النجوم>>
 
الرئيسيةس .و .جبحـثحجز طربيزه فى الكافيه دخولالتسجيل
المواضيع الأخيرة
» حب و حياه
الأربعاء 24 يونيو - 12:40 من طرف زائر

» مهم مهم مهم
الخميس 26 ديسمبر - 9:01 من طرف ŖÁξÐ ƒRÎèÑÐ

» حروف متقطعه (( رعشه))
السبت 21 ديسمبر - 7:49 من طرف ŖÁξÐ ƒRÎèÑÐ

» مبقيتش بحب ....محمد ابراهيم
السبت 21 ديسمبر - 7:46 من طرف ŖÁξÐ ƒRÎèÑÐ

» لماذا يضحك المصريون
السبت 21 ديسمبر - 2:45 من طرف ŖÁξÐ ƒRÎèÑÐ

» من الجمل التى وقفت عليها كثيرا
السبت 28 سبتمبر - 5:55 من طرف ŖÁξÐ ƒRÎèÑÐ

» هل نظرت الى هذا من قبل
السبت 28 سبتمبر - 5:22 من طرف ŖÁξÐ ƒRÎèÑÐ

» الآن لعبة The Sims 3 بروابط ميديا فاير(تم تجديد الروابط)
السبت 28 سبتمبر - 5:18 من طرف ŖÁξÐ ƒRÎèÑÐ

» ايا من يدعى الفهم
الإثنين 15 يوليو - 18:49 من طرف NoOodo

» قصة الاندلس
الإثنين 15 يوليو - 16:45 من طرف NoOodo

» ولا حكم قراقوش
الإثنين 15 يوليو - 15:45 من طرف NoOodo

» انهض للثورة و الثار
الإثنين 15 يوليو - 15:42 من طرف NoOodo

» مع انى بكره الجوافه
الإثنين 15 يوليو - 15:39 من طرف NoOodo

» قيل أن اللسان ليس له عظم ... !!!
الإثنين 15 يوليو - 15:38 من طرف NoOodo

» ما اصغر دوله فى العالم
الإثنين 15 يوليو - 15:38 من طرف NoOodo

» tom & jerry
الإثنين 15 يوليو - 3:51 من طرف ŖÁξÐ ƒRÎèÑÐ

» لم افهم هذه العباره حتى الان لكن اعتقد انها تخص المشاعر
الإثنين 15 يوليو - 3:51 من طرف ŖÁξÐ ƒRÎèÑÐ

» دلوقتى بس
الإثنين 15 يوليو - 0:28 من طرف ŖÁξÐ ƒRÎèÑÐ

» حد يقدر يوصف الموقف ده
الإثنين 15 يوليو - 0:22 من طرف ŖÁξÐ ƒRÎèÑÐ

» سلام عليكم
الخميس 11 يوليو - 20:17 من طرف ŖÁξÐ ƒRÎèÑÐ

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
ŖÁξÐ ƒRÎèÑÐ
 
Ṗŗσğ.н м ѕ
 
ǺŃą Ŗýań
 
TrUsT YoUr God
 
NooR El HoDa
 
NoOodo
 
عاشق الاحزان
 
Jμst LΘve Ą ωaЎ
 
اميرة البحور
 
رودي
 

شاطر | 
 

 جــحـــا و3 خرفـــان لــ هشام الجخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
UnAvailable
ӥӥ تاجر المزاج ӥӥ
ӥӥ تاجر المزاج ӥӥ
avatar

ذكر
مصالحك فى الكافيه : 434
عامل قلق فى الدنيا من امتى : 24
حط يا كبير اسم سايت بتروحو : O'negro Play Station
مزاجك فى ايه ؟؟ : الحشيش ههههه بس بطلته
حالتك النفساويه ؟؟ : مووووووز
سجايرك : مارلبورو ابيض
مين ضحك عليك وجابك الكافيه : صديق
حسابك عندنا : 6157
مشاريب على حسابنا : 1
يوم ما جات رجلك فى الغلط قصدى فى الكافيه : 25/05/2010
علم منطقتك يا عم الحاج :

مُساهمةموضوع: جــحـــا و3 خرفـــان لــ هشام الجخ   الخميس 7 يوليو - 10:12

القصيدة الاولي
(جحا)

عن حال مصر
شعور سخيف
انك تحس بان وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وانك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكوا

اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت

ادونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه

بتكرهينى عيونك السودة
وأيامى اللى فاتت
مانتيش حبيبيتى من النهاردة
حبيبنتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

كل الكلام اتقال
والشعر بقى ماسخ
والصبر علو جبال
والظلم شىء راسخ
وطن وغرقان فى النطاعة
كل شىء ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن
لله




القصيدة الثانية
(تلات خرفان)

تلات 3 خرفان
ودي حكاية وكان يا ما كان ..
ولا يحلالي اي كلام ..
الا بذكر النبي الهمام ..
عليه الصلاة والسلام

3 خرفان
ومعزاية
وشجراية
وبير بترول
وديب فجعان

3خرفان ما يتاكلوش في يوم واحد
ما يتهضموش

راح للخروف
اتخن خروف
قال يا خروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضرب الخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان

يوماً سنقراُ في الجريدةِ يا بلادي انّنا كنا خرافْ
سيجفُ هذا النفطُ فوقَ جلودِنا
ونودّعُ السبعَ السِمانَ ونلتقي ألفاً عِجَافْ
سيُدَوِّنَ التاريخُ اسماءَ الملوكِ العادلينَ
الصابرينَ
الساكتينَ
الكاتمينَ الصوتَ بينَ شعوبِهم .. مثلَ الزرافْ
سيحاكمُ التاريخُ حكامَ العروبةِ كلِّها
وسينزعُ الاظفارَ منهم في سبيلِ الاعترافْ
إني احبك يا بلادي مرغما
واقول شعرا يا بلادي مرغما
والشعر إن مسَّ السياسةَ يستحيلُ مصائبا
والشعر إن مسَّ الصعيديينَ مثلي
يستحيل كحدِّ سيفٍ لا يخافْ
انا لا اخافْ

من كام سنة بِنْهِشّ بإدينا الفيران؟؟؟
ونقول ما ندَّخلش في امور الجيران !!!
من كام راسمين رجولتنا ادب
ناقشين إدينا نقش حنة
وقلنا سنة
ورمينا من إيدنا سلاحنا وقلنا هدنة
وبلدنا بِكْر بتُغتصب
يِعلاَ صوتها غصب عنها نِتْهِمْهَا بالشَغَب !!
يا بلاد ماليها الاَّ العجب
يا ( معرَّمين ) شعر وادب
هي الرجولة تتوزن وقت الغضب غير بالغضب ؟؟؟
هو اللي متَاخد غَصَب مش برضه يتاخد غصَب ؟؟
يا بلاد ماليها الا العجب
يا ( معرمين ) شعر وادب
الوزن هو اللي اختلف ولا الميزان اللي اتقلب ؟

من كام سنة بنسأل "بهية" مين قتل
واحنا اللي قاتلينه بإدينا !!
مدِّينا إيدنا للغريب وف بعض عضِّينا وعَادِينا
مين اللي ظالم في الحكاية .. ومين جبان ؟
مانلومش ع الديب اللي خان
احنا اللي خرفان بالوراثة
الصبر وارثينه وراثة
والطاعة وارثينها وراثة
والـــ
حكم وارثينه وراثة
وحاجات كتيرة مش وراثة
احنا خدناها وراثة

انا كل ما اتذكر نحية العلم يسرح خيالي
كان صوتي لسه عيالي .. بس عالي
كنت احسّ اني بهزّ المدرسة
كان العلم من فرحته يرقص على الساري شايله
طب كنتو ليه بتعلمونا نحفظ البرّ وجمايله
طب كنتو ليه بتعلمونا نكره الظلم وعمايله
لمّـا انتو ناويين تسجنونا في ارضنا
كان ايه لزوم العلم .. وهمومه .. ورزايله
طب كنتو سبتونا بهايم كنا نِمْنَــا مرتاحين
ازاي ابيع ارضي وعارف ان جسمي اصله طين
طب كنتو علمتونا مثلا اننا من اصل تركي
او اوروبي
ان جسمنا اصله حلاوة او مِلَبَّس
اشمعنى طين ؟؟؟
طب ولما الطين يروح .. ايه اللي فاضل ؟؟
ولمين نغني ونفدِي روح ؟؟ ولمين نناضل ؟؟؟؟
ولمين اعود واشتاق واحب واغير واكافح ؟؟
ولمين اغني واقول ( بحبك يا بلد) والحب طافح ؟؟

لاموا عليَّا الناس
عايزيني اقول اشعار في "محمد الدرة"
مش قايل !!!
ما انا لما قلت زمان يا بلادي يا ( رحبة )
قالوا ده واد سافل !!
واللي اتلَوِتْ مني واللي اتقَمَص مِنِّي
ونزلت عنيهم م الخجل في الارض
وبَهْدَلُوني وحَدَّفوني لبعض
وقالوا برضك عيب .. القاعة فيها بنات !!!!
طب يعني وفلسطين مش برضه فيها بنات ؟؟
والله دي فلسطين نسوانها رجالة
هما اللي عمَّالة واحنا اللي قوَّالة
عندينا تِبْقَى الست وَلَدها طول الباب وتخاف يروح مشوار
وهناك حريم من غَضَب
شايفين عيالهم دهب
وعشان ما يلمع زيادة لازم يدوق النار
وتقولوا اقول اشعار !!!!!!!!!
مش قايل

هما 3 كلمات
نعم .. اكيد .. طبعا ..
وطول ما فيه جُبَنَا .. فرعون بيتفَرْعَن
والشعر اصله جبان
اللي يقوله جبان
واللي يعيده جبان
قولنا بلاش نكتب والحرب اولى بْنا
قالوا حرام والنبي خلُّولْنا اولادنا
خايفين على ولادهم م الجنة ونعيمها
شوفتوش خيابة و همّ
الاسم رجالة والاسم عندنا دم
دي ام موسى ( المرة )
خافت على ولدها .. رمته في قلب اليم
واحنا ( بنتسولق ) وبنتشوي قرارات
تطلع قراراتنا صورة جماعية على صفحة الجُرنان
يا ما اشجع الفرسان
وتقولوا اقول اشعار .. مش قايل


همست في وِدْني ( بَحِبَّك ) ..
كان جسمها مفرود والخمرة عامياني
وبياض إديها كان بيزعق لما تعدل شعرها
الواد بيعرج م الرصاصة اللي في رِجْلُه
شدِّت حزام الروب
وبانت زي شيء معرفش شعري يوصفه..
كانوا العساكر قربوا
والواد متبت ع الحجارة اللي ف إديه
مدّت إديها وقَّفِت كل الساعات
صوت الكاسيت نبَّهني اني ف شقتي
كانوا العساكر قربوا
بيقربوا بيقربوا
والواد متَبِّت ع الحجارة اللي ف إديه
وَقَعِت قزازة البيرة من إيدي على طرف السرير
الواد صرخ في مخبأه
فاتلفتت قلقانة خايفة لاتجرح
جريت على الصوت العساكر
وابتدى صوت الرصاص يملا الجبل
دوَّرت عندي في الدولاب على حاجة تنفع لجل تِتْحَزَّم لي بيها
ما التقيت غير شال اخويا اللي اتقتل تحت الجبل
كان برضه يعرج لما يمشي من الرصاصة اللي في رجله
وكان متبت ع الحجارة اللي ف اديه
مين اللي خانك يا وطن ؟؟؟؟؟؟؟؟؟؟؟؟؟؟؟؟؟؟؟؟ ؟
قلعت حَلَقْها لما عَوَّرني ف رقبتي
وحطته جنب السرير
نامت على الارض العساكر لجل تسمع دَبِّة الواد اللي لسة مستخبي
اتكسف صخر الجبل من وقفته
هيَّج رماله ع العساكر
سامحيني يا وحدك
مقدرش اعيش هارب
انعس في حضنك كيف
والرملة في الصحرا واقفة وبتحارب


أعطوني عاما تقريبا لأجيدَ اللغةَ العبريةْ ..
فالجاري في وطني هذا ..
أخجلني صدقا أن أكتبَ شعرا باللغةِ العربيةْ .



_________________
NoT Available
[

WhaT GoeS arOund >>>> ComeS bacK arOunD
DoN't G!Ve Me aNy DruGs
DoN't G!Ve Me aNy DruGs
S h a 2 a W a



DoN't KiLL YoUrSeLf
WhO WiLL EaT YoUr
DiNnEr If YoU Do....
الرجوع الى أعلى الصفحة اذهب الى الأسفل
Ṗŗσğ.н м ѕ
شريكة الحاج صاحب الكافيه
شريكة الحاج صاحب الكافيه
avatar

انثى
مصالحك فى الكافيه : 1323
حط يا كبير اسم سايت بتروحو : www.microsoft4all.com
مزاجك فى ايه ؟؟ : نت وخواطر
حالتك النفساويه ؟؟ : في السحاب ...... الحمدلله
سجايرك : كيت كات
مين ضحك عليك وجابك الكافيه : آخر
حسابك عندنا : 7383
مشاريب على حسابنا : 5
يوم ما جات رجلك فى الغلط قصدى فى الكافيه : 02/07/2010
علم منطقتك يا عم الحاج :

مُساهمةموضوع: رد: جــحـــا و3 خرفـــان لــ هشام الجخ   الخميس 7 يوليو - 11:04

القصيدة الاولى....فعلا كان شعور سخيف ...ويارب مصر تبقى احسن

القصدة التانية .كان قالها بدل قصيدة اخر ماحرف ف التوراة بقرار من امن الدولة (البقاء لله):)0

بس الاثنين احلى من بعض


تسسسسسسسسسسسسسسلم ع القصائد الرااااااائعة والمجهوووود الأرووووووووووووع

_________________

الرجوع الى أعلى الصفحة اذهب الى الأسفل
UnAvailable
ӥӥ تاجر المزاج ӥӥ
ӥӥ تاجر المزاج ӥӥ
avatar

ذكر
مصالحك فى الكافيه : 434
عامل قلق فى الدنيا من امتى : 24
حط يا كبير اسم سايت بتروحو : O'negro Play Station
مزاجك فى ايه ؟؟ : الحشيش ههههه بس بطلته
حالتك النفساويه ؟؟ : مووووووز
سجايرك : مارلبورو ابيض
مين ضحك عليك وجابك الكافيه : صديق
حسابك عندنا : 6157
مشاريب على حسابنا : 1
يوم ما جات رجلك فى الغلط قصدى فى الكافيه : 25/05/2010
علم منطقتك يا عم الحاج :

مُساهمةموضوع: رد: جــحـــا و3 خرفـــان لــ هشام الجخ   الخميس 7 يوليو - 11:10

يارب ياهمس فعلا مصر تكون احسن

على فكرة قصيدة اخر ماحرف فى التوراه دى جاااااااااااااااااااااااااااااامده وهى عندك فى القسم لو حبيتى تقرأيها

وعلى فكرة مش المجهود اللى اروع ولا حاجه
مرورك هو الاروع والله

_________________
NoT Available
[

WhaT GoeS arOund >>>> ComeS bacK arOunD
DoN't G!Ve Me aNy DruGs
DoN't G!Ve Me aNy DruGs
S h a 2 a W a



DoN't KiLL YoUrSeLf
WhO WiLL EaT YoUr
DiNnEr If YoU Do....
الرجوع الى أعلى الصفحة اذهب الى الأسفل
Ṗŗσğ.н м ѕ
شريكة الحاج صاحب الكافيه
شريكة الحاج صاحب الكافيه
avatar

انثى
مصالحك فى الكافيه : 1323
حط يا كبير اسم سايت بتروحو : www.microsoft4all.com
مزاجك فى ايه ؟؟ : نت وخواطر
حالتك النفساويه ؟؟ : في السحاب ...... الحمدلله
سجايرك : كيت كات
مين ضحك عليك وجابك الكافيه : آخر
حسابك عندنا : 7383
مشاريب على حسابنا : 5
يوم ما جات رجلك فى الغلط قصدى فى الكافيه : 02/07/2010
علم منطقتك يا عم الحاج :

مُساهمةموضوع: رد: جــحـــا و3 خرفـــان لــ هشام الجخ   الخميس 7 يوليو - 11:56

اه هي عندي ...ميرسي اوي ياكابتن

_________________

الرجوع الى أعلى الصفحة اذهب الى الأسفل
 
جــحـــا و3 خرفـــان لــ هشام الجخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب كافيه :: `*:•. ][ركن الحبيبه والشباب اللى مليان طيبه ][.•:*¨` :: كشك الشعر والكلام السر-
انتقل الى: